المجموعة التانية من النكت

واحد سئله ا لاستاد قاله اعطيني اسماء تلاته زواحف زي البوكشاش قاله شد عندك ابو الكشاش وام الكشاش وخوت الكشاش والكشاش بدات نفسو

واحد سكران جاه عزرائل قاله انا ملك الموت قاله خلعتنى حسبتك مكافحة
في شيباني ليبي امشي من سيربح المليــون امش سأله جورج قرداحي قاله من جاي معاك ,,, الشيباني قاله أمـــي ,, امشي جورج قرداحي قاله عنــجد أمـــك ,,(يعني بجديات).. قاله الشيباني عنجـــد بـــــوك

قالك فيه ثلاث صقور ,, امدايرين مسابقة من ايجيب اكبر فريسة ,, الصقر الاول امشي و ارجع منقاره دم ,, قال اتشوفو في الارنب الي تحت الشجرة ,, اني الي اقتلتها توا ,, امشي الصقر الثاني و ارجع ,, ,, وجه دم ,, قال اتشوفو في الغزال الي تحت الشجرة ,, اني الي قتلته توا امشي الثالث و ارجـع ,, كله دم ,, حاله ,, قال لهم اتشـوفو في البالوا الي غـادي ,, قالو له ايـه ,, قال لهم امــه اني ما شفتاش ,, خش في البالوا

في ثلاث طلبة عندهم امتحانات ,, و هما سينسة مش قارين شي قالو انخشو على البركة و خلاص و اي واحد يعرف حاجة ايقول للثاني الهم جاهم سؤال : كــم عدد ارجل النعجة ,, ما عرفوش ,, اثنين سلمو وراقيهم و واحد اقعد ,, بعد ما تم الوقت ,, قالوله علاش ما قلتناش كم عدد ارجل النعجــــــة,,, قاللهم و الله ما فيها كيف المراقب كان حنبي ما اقدرتــــش انطلعها النعـــــجة.
في واحد خاطم و عنده حمار ماشي بيه ,, القاه صاحبه ,, اقعد يتسهوك عليه ,, قاله تعرف يا راس و الله اعرفت حمار و انت ما اعرفتكش.... قاله عادي ,, الحميـــــر تعرف بعضها

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه
قالك واحد ماشي زردة هوا و مراتـه ,, و باقي الصحاب و القروب ,,, المهم هوا امعكس جاه واحد قاله ,,خزيه انت امعكس اهني ,, ومراتــك امقعمزة مع واحد ثاني في الغابـة ,,, المهم امشي الراجل متكنطي ,, بأشوف مراتـه ,, وهوا راجــع ,, ابدي اكلم في روحـه ,,لا حول الله سبحان الله معاد فيه حد ايـقول الحق بكل ,, القاه صاحبـه قاله خيرك ,, شن صار ,, قال يا راجل الشعب هدا معاش ايقول الحق بكل ,, ايقولي مراتك مع راجل ثاني في الغابة ,, و هما كلهم شجــرتيـــن

متصندل راح للدكتور قاله الدكتور: عندك سرطان بالمخ رد المتصندل: الله اكبر.... من وين جاني المخ !!

متصندل حب يخطف طيارة بدل ما يدخل غرفة القيادة دخل الحمام لقي واحد صوب عليه المسدس وقاله: نزلها فى قبرص قاله: نزلت خلاص
تنين متصندلين راكبين قارب في البحر الأول : القارب بدي يغرق... التاني : ما تعدلش .. هو لينا ؟

واحد كذاب قال لصاحبه: مره شفت فيل لونه احمر ويطير ، رد عليه صاحبه: برا يا راجل .... ما فيش فيل لونه احمر

متصندل جاله صاحبه وقاله: الحق مرتك تخونك مع أعز أصدقائك ....مشي بسرعة و رجع لصاحبه وقاله: يا رجاااال.. ظلمتها...لا صديقي ولا نعرفه
فيه عائله ليبية تسكن جنب عائله مصريه وكان الزوج المصري يغازل زوجته ويقول: "حبيبتي شايفه القمرهناك"... قالتله ايوه يا حبيبي قاللها انتي احلى منه... سمع الليبي هذا الكلام فقال لزوجته"رجعة": "تشوفي في القمر يارجعة" ردت عليه ايوه... تحسابني عورة زي اختك.

فرنسية وأنكليزية وليبية أتفقوا يخلوا رجالتهم يساعدوهم في شغل الحوش... غابو علي بعض شهر، بعدين تلاقو... قالت الفرنساوية والله أول يوم باهي فرش الكريولة، ثاني يوم ساعدني في المطبخ... يعني ماشي حاله... قالت الانكليزية والله أول يوم ناض دار قهوة، ثاني يوم غسل شخشيره... يعني بيمشي حاله مع الايام... قالت العربية أول يوم ما شفت شي، تاني يوم ما شفت شي، ثالت يوم وليت نشوف بعيني اليمين شوية...(يعني اعطاها طريحة).

واحد سأل متصندل: شو انواع المبارد؟ قال له المتصندل: مبرد ناعم... ومبرد خشن... ومبرد وجهك
فيه مدرس سأل واحد من التلاميذ... شنو الحيوان اللي يصحيك لصلاة الفجر قال التلميذ بابا.

المعلم للتلميذ: لماذا تأخرت عن المدرسة. التلميذ: لأن أبى كان يضرب أخى. المعلم: وماعلا قتك بهم. التلميذ: لأن أبى كان يضرب فى أخى بحذائى.

متصندل ركب تاكسي وقاله: أرفعني بعيد عن الارض. أمشي التاكسي رماه في الصحراء وكان المتصندل راقد ولما ناض شاف واحد يزحف وقال له الرجل: انا تعبان من الشمس فقال المتصندل: تشرفنا... انا أحمد من الارض
قالك واحد شاري سيارة جديدة ,, المهم امشي بيها العمل ,, و هوا نازل ارفع المسجل في ايده و خلى ورقة على مرش السيارة,, الرجاء عدم كسر زجاج السيارة ,, المسجل معي امشي و هوا طالع ,, ما القاش السيارة و القي ورقة على المرشبيدي مكتوب فيها ,, حتى اني نبي الســيارة ما نبيش المسجــل

في واحد امشي للجزار قاله اعطيني لحمة بجنيـــه قاله الجزار هاك الحس الشيـــــتة.

في فصل كله حمير و اغبياء ,, امشي قالت الابلة من ايقولي جملـــة اسمية,,,ناض الفلتة فيهم على اساس قال لها ( البوشعا يشرب الشاي) قال له شاطر قمعز امشي قالت من ايقول جملة تانية ناض نفس الطالب قال لها: البـوشعا يشرب الشاي ) ,, قالت تي مش قلتها توا هادي قاللها لالا هادي الطاسة الثــانيــة
واحد منكوب لقى مصباح سحرى طلعله المارد وقاله شنى تبي قالى نبي انولى حاجة كل الناس تحتاجنى حوله المارد لحمام

قزم يبي ينتحر نقز من فوق مرشبيدي

واحد ندل لدغاته لفعة قعد يضحك قالتله اللفعة خيرك تضخك قاللها فيا الايدز
واحد أعمى ناض الصيح لقى روحه يشبحه من الفرحة انشل

فيه ابلة تشرح للطلبة درس الاتحاد قوة امشي نوضت طالب اسمه ابو عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة العصى,,قالت توا بنعطو ابو عجيلة عصاتين مع بعض,, طربق بوعجيلةالعصاتين ,,,بعدين قالت توا بنعطو بوعجيلة الحزمة كلها ما يقدرش ايكسرها ,,,امش طربق بوعجيلة الحزمة كلها,,,قتـتله افلقــت الدرس يا بوعجيلة

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوةطاح ساخ جوه جماعته إنوضوا فيه بعد ماناض قالوله (( سني يارازل طحت من طرف بكلاوة ؟ قاللهم ماهو دربتوها من زيهة اللوزة ))